第三日，去左老公自己安排嘅行程，
由大阪去係需要近三個鐘車程！
其實呢度通常係去名古屋先安排，但係老公唔想等唔知幾時嘅名古屋之旅，
咁比錢嘅係佢，平時去邊都已經唔出聲嘅大人，
我緊係要就下佢啦！咁老實講，呢日真係好開心好好玩喎！推介呀！下次去名古屋我一定要再黎！
呢日一早起身，準八時就攞車！
已經有第一次經驗，老公其實好熱愛旅行揸車，
我發現佢揸左近三個鐘佢都好享受！
雖然佢揸架慢車！嘻！
而自駕嘅時候我同Anki 都訓到豬咁，
頭頭係大阪行左幾個圈終於岩路，
我覺得大阪真係好唔適合自駕，
太多塞車！可能我地唔係本地人啦！
Anki 取車好興奮，覺得有車車啦！
話咁快就到，我同Anki 足足訓左兩個幾鐘！
但係佢就被抄醒而喊！
係呢個位，老公就變返小朋友！
佢好開心帶個女一齊黎行呢條賽道，
雖然我地買左pass, 但玩呢度記住要出去補多千幾yen ,等左大約9個字，因為要等真正賽車手練完車我地d 小學雞先可以漫遊！
平時唔會點影相嘅老公都好興奮！
玩完一圈滿足哂兩人嘅慾望我地就去醫肚
食完飯都點半，我地要係5:00前玩哂想玩嘅野都幾趕，因為好大，好多都好好玩，有好多比小朋友自己控制嘅車，Anki 慢慢都上手，而且佢一路玩一路話自己係司機！
玩到最尾真係仲有d 未玩哂，所以真係要來多次，臨走去整張Anki 嘅車証，好值得記念！
有興趣嘅去呢度睇http://www.suzukacircuit.jp/
而呢晚都忘記食咩，係fb 嘅相簿竟然無放上相！
回顧
沒有留言:
張貼留言
留個言吧~^^