今次係老公突然話想去個旅行,我自上次去台灣都有D怕怕~
仲同自己講就算係都一年一次好~
點知~無啦啦又再做妹仔去旅行~
不過當然開心啦~今次無上次咁辛苦~
一來日本好乾淨~返到酒店洗小幾多野~
二來意外帶去個煲竟然用唔到~無得煮粥食
Anki要食街外野~我就會叫白飯加Baby food~
但佢應該唔係咁鐘意食~佢可能食唔慣有味野~
好彩我帶定多幾餐奶咋~~~又可以比包包佢食~
去之前成個星期都下雨~
Anki無去街,一來我唔想佢病~
好感恩,佢都無病無痛~真係感謝主~
我成日都好驚佢病左我點算~
前一日同佢試背包去旅行~~Anki仲未有勇氣踏出佢嘅第一步~
D人話遅行路無咁辛苦~但佢好似真係好遲~
前一晚執埋D奶粉~入哂喼就輕鬆上機~
香港同台灣去旅行,有BB係唔使排隊架~
至於去日本都一樣要排隊~而帶水上機日本都唔使係佢面前飲嘅~
Anki去同回來都訓到隻豬咁~真係太好太好了~
又無痾屎屎~~幾驚要係機上換屎片~
因為要排隊,所以出到機場搵機場巴士都成16:30
去到酒店都17:30
雖然無靚境房,但我覺得間房又大又乾淨已經好開心了~
酒店會送份小禮物比BB嘅~
好可愛嘅熊仔日用品~
好好彩,酒店教堂開左~我們入到去影相~
之後幾日都無得入去架~
第一餐蟹樂道,今次食到夠本先返~
食左三次~一次晚餐一次午餐,一次驚返到屋企無野食,
買左D返屋企食~
Anki現在識鍚我~好sweet架~
食野只有開野比佢睇先唔會撹攪陣~
叫左最貴個餐~Anki你咁開心都無份~佢只係食左個蒸蛋都有D蟹肉~
好可惜,有人高興得滯,撞到個咀~之後爆喊~
行左陣就返去地下間超市買餸,
呢間開到12點架~不過第二日先發現個煲用唔到~
我仲買左D豆腐超香~Anki無得食~
第二日起身~話時話呢幾日我都好早起身同最遲訓~
日日訓幾個鐘咋~
一起身望住個咁靚嘅境都幾開心~我知道有間房望果邊仲靚~
無得煮,好彩有酒店早餐~
日日都比碗粥佢食~就算佢唔食都有D菜菜落肚~
呢間D早餐唔錯~有BB一定要揀D酒店有早餐~因為真係幫唔小~
之後就係去前一難拉麵~(其實個一難個難字點打呢??)
星期一一早條街係最舒服~
比起我上次食,我覺得又唔覺有幾好味~
反而我愛上左4天王~
之後就買BB車~一直都想換BB車~
呢架都係可以單手收車~
仲好平~千多元~~好抵,舊果架Anki都坐得唔舒服~
我又唔鐘意是的車~
買架自己一個出街而佢又坐得舒服D嘅車~
舊果架太低,我自己都唔舒服,又易反車~
買完車去大丸百貨個育嬰室,好正又大~
呢幾曰都去左幾次~
佢食埋枝奶就訓左~
呢日原本行梅田~最後係心齋橋行了成日~唔算買左好多野~
都係買BB野~日本有香港都有~又唔覺得平同特別~
行到累食壽C~好好味~~~
Anki坐呢架BB車,
真係可以訓成4個鐘~我一買左後無奈佢就訓~~
中途回酒店放低野再出去行同搵食~
呢個蛋糕之前睇人Dblog就好想食~
想食到我一去到就要買~我覺得流心好似蛋撻咁好味!
返來先知固體會仲好味D~有機會再試~我臨走買左個芝士蛋糕都好正~
有蕉糖面~
Anki的靚衫~Baby doll D衫好靚,不過我都忍忍手~
今次只買2對波鞋~我覺得鞋唔好買太多~
今次我真係幾忍手~因為覺得D野好貴~
之後我們無目的咁行~總算行熟地下街同邊度打邊度~
是但搵間野食~可惜唔識睇日文~
叫多左碗野~Anki又唔食~浪費左我成舊水~
我都好彩食得落~係Ackchan買左D菜嘅粉末,好有用~
Anki食佢真係有屎痾~~Anki頭三日都唔痾~~
幾擔心~後來飲D開奶茶,佢衰平時咩都食,佢連士多啤梨都唔食~
令我覺得佢真係被迫陪我來~咁無計,無人湊~~~
Anki最愛咩,做親善小姐囉~周圍撩人~
沒有留言:
張貼留言